Asiriyar Kural is with Pups Cmutlur and Arunachalam Tr.

11 mins · 

சிறப்புக் கட்டுரை:மின்னம்பலம்

கல்வித் தரத்தை உயர்த்தும் ஆசிரியர்கள்!
அ.விக்னேஷ்

தமிழகத்தில் கல்வியறிவின் வளர்ச்சி குறித்து தொடர் கட்டுரைகளாக வெளியிட்டு வருகிறோம். முந்தைய கட்டுரைகளில் கல்வியறிவு விகிதத்தின் ஏற்ற இறக்கங்கள், கல்வியறிவு விகிதத்தில் பெண்கள் அடைந்துள்ள வளர்ச்சி, கல்வியறிவில் தாழ்த்தப்பட்ட மக்கள் மற்றும் பழங்குடியினரின் வளர்ச்சி, கல்வியறிவு விகிதத்தில் தமிழக மாவட்டங்களின் வளர்ச்சி, மாவட்டங்களின் கல்வியறிவு விகித வளர்ச்சியில் உள்ள பாலின இடைவெளி, தொடக்க நிலைக் கல்வி, மொத்த மாணவர் சேர்க்கை விகிதம், நிகர மாணவர் சேர்க்கை விகிதம், ஆரம்ப நிலைக் கல்வியிலிருந்து மாணவர்கள் வெளியேறும் விகிதம், கல்வி நிறைவு விகிதம், பள்ளி செல்லா மாணவர்கள் உள்ளிட்ட பல்வேறு அம்சங்கள் குறித்துப் பார்த்தோம். இக்கட்டுரையில் தமிழகத்தின் கல்வி வளர்ச்சி குறித்த மற்ற புள்ளிவிவரங்களைக் காண்போம்.

மாணவர் - ஆசிரியர் விகிதம்:

ஒரு கல்வி நிறுவனத்தில் பயிலும் மாணவர்களின் மொத்த எண்ணிக்கையை, அக்கல்வி நிறுவனத்தில் பணிபுரியும் ஆசிரியர்களின் எண்ணிக்கையால் வகுத்தால் கிடைப்பதே மாணவர் - ஆசிரியர் விகிதம் ஆகும். கல்வித் தரத்தை அளவிடுவதற்கான ஓர் அளவுகோலாக மாணவர் - ஆசிரியர் விகிதம் திகழ்கிறது. 2005-06ஆம் ஆண்டுக்கும் 2011-12ஆம் ஆண்டுக்கும் இடைப்பட்ட காலத்தில் தமிழகத்தில் மாணவர் - ஆசிரியர் விகிதம் கணிசமான வளர்ச்சியை அடைந்துள்ளது. சில மாவட்டங்களில் குறிப்பிடத்தக்க வளர்ச்சி ஏற்பட்டாலும்கூட, சில மாவட்டங்கள் மாணவர் - ஆசிரியர் விகிதத்தில் குறுகிய வளர்ச்சியையே எட்டியுள்ளன. அதிகபட்சமாகப் புதுக்கோட்டை மாவட்டம் 14 விழுக்காடு வளர்ச்சியையும், திருவள்ளூர் மாவட்டம் 12 விழுக்காடு வளர்ச்சியையும் எட்டியுள்ளன. குறைந்தபட்ச வளர்ச்சியாக மதுரை மாவட்டம் 2 விழுக்காடு வளர்ச்சியையும், சென்னை 2 விழுக்காடு வளர்ச்சியையும் எட்டியுள்ளன.

ஓராசிரியர் பள்ளிகள்:

ஒரே ஓர் ஆசிரியரைக் கொண்ட தொடக்க நிலைப் பள்ளிகளின் ஒட்டுமொத்த விகிதம் 2005-06ஆம் ஆண்டுக்கும் 2011-12ஆம் ஆண்டுக்கும் இடைப்பட்ட காலத்தில் சரிந்துள்ளது. அதிகப்படியான முன்னேற்றத்தை ராமநாதபுரம் மாவட்டமும், புதுக்கோட்டை மாவட்டமும் எட்டியுள்ளன. ராமநாதபுரம் மாவட்டத்தில் ஒரே ஓர் ஆசிரியரைக் கொண்ட தொடக்க நிலைப் பள்ளிகளின் விகிதம் 2005-06ஆம் ஆண்டில் 17.6 விழுக்காட்டிலிருந்து 2011-12ஆம் ஆண்டில் 4.3 விழுக்காடாகக் குறைந்துள்ளது. புதுக்கோட்டை மாவட்டத்தில் 2005-06ஆம் ஆண்டில் 17.3 விழுக்காட்டிலிருந்து 2011-12ஆம் ஆண்டில் 6.6 விழுக்காடாகக் குறைந்துள்ளது. இவ்விரு மாவட்டங்களிலும் அதிகளவிலான ஆசிரியர்கள் பணியமர்த்தப்பட்டுள்ளது உறுதியாகிறது.

நீலகிரி, நாமக்கல் மாவட்டங்களில் ஓர் ஆசிரியரைக் கொண்டு இயங்கும் பள்ளிகளின் எண்ணிக்கை அதிகரித்துள்ளது. நீலகிரி மாவட்டத்தில் ஓராசிரியர் பள்ளிகளின் எண்ணிக்கை 5.5 விழுக்காடு அதிகரித்துள்ளது. நாமக்கல் மாவட்டத்தில் ஓராசிரியர் பள்ளிகளின் எண்ணிக்கை 4.6 விழுக்காடு உயர்ந்துள்ளது.

பெண் ஆசிரியர்களின் விகிதம்:

தமிழகத்தின் அனைத்து மாவட்டங்களிலும் பெண் ஆசிரியர்களின் விகிதம் அதிகரித்துள்ளது. 2005-06ஆம் ஆண்டில் தொடக்க நிலைப் பள்ளிகளில் அதிக விகிதத்திலான பெண் ஆசிரியர்களைக் கொண்ட மாவட்டங்களில் சென்னை (95.7 விழுக்காடு) முதலிடத்தில் இருந்துள்ளது. அதற்கு அடுத்த இடங்களில் மதுரை (86.5 விழுக்காடு), திருச்சிராப்பள்ளி (78.8 விழுக்காடு) ஆகிய மாவட்டங்கள் உள்ளன. தொடக்க நிலைப் பள்ளிகளில் மிகக் குறைந்த விகிதத்திலான பெண் ஆசிரியர்களைக் கொண்ட மாவட்டங்களில் விழுப்புரம் (62.2 விழுக்காடு), பெரம்பலூர் (64.9 விழுக்காடு), காஞ்சிபுரம் (77.5 விழுக்காடு), புதுக்கோட்டை (67 விழுக்காடு) ஆகிய மாவட்டங்கள் உள்ளன.

ஆசிரியர்களின் கல்வித் தகுதி:

2002-03ஆம் ஆண்டில் தொடக்க நிலைப் பள்ளிகளில் பணிபுரிந்த ஆசிரியர்களில் 65.18 விழுக்காட்டினர் பட்டதாரிகளாகவும், 15.57 விழுக்காட்டினர் மேனிலைக் கல்வித் தகுதியோடும், 11.89 விழுக்காட்டினர் உயர் மேனிலைக் கல்வித் தகுதியோடும் இருந்துள்ளனர். 2011-12 நிலவரப்படி, மேனிலைக் கல்வித் தகுதியுடனான ஆசிரியர்களின் எண்ணிக்கை குறைந்துள்ளது. உயர் மேனிலைக் கல்வி பெற்றவர்கள், பட்டதாரிகள், முதுநிலைப் பட்டதாரிகளின் எண்ணிக்கை அதிகரித்துள்ளது.

மேனிலைக் கல்விக்கும் குறைவான தகுதி பெற்ற ஆசிரியர்களின் எண்ணிக்கை 2002-03ஆம் ஆண்டில் 1.26 விழுக்காட்டிலிருந்து 2011-12ஆம் ஆண்டில் 1.22 விழுக்காடாகக் குறைந்துள்ளது. மேனிலைக் கல்வித் தகுதி பெற்ற ஆசிரியர்களின் எண்ணிக்கை 2002-03ஆம் ஆண்டில் 15.57 விழுக்காட்டிலிருந்து 2011-12ஆம் ஆண்டில் 13.17 விழுக்காடாகக் குறைந்துள்ளது. உயர் மேனிலைக் கல்வித் தகுதி பெற்ற ஆசிரியர்களின் எண்ணிக்கை 2002-03ஆம் ஆண்டில் 11.89 விழுக்காட்டிலிருந்து 2011-12ஆம் ஆண்டில் 12.01 விழுக்காடாக அதிகரித்துள்ளது. பட்டதாரிகளின் எண்ணிக்கை 2002-03ஆம் ஆண்டில் 65.18 விழுக்காட்டிலிருந்து 2011-12ஆம் ஆண்டில் 67.22 விழுக்காடாக உயர்ந்துள்ளது. முதுநிலைப் பட்டம் மற்றும் அதற்கு மேற்பட்ட கல்வித் தகுதி பெற்ற ஆசிரியர்களின் எண்ணிக்கை 2002-03ஆம் ஆண்டில் 5.04 விழுக்காட்டிலிருந்து 2011-12ஆம் ஆண்டில் 6.38 விழுக்காடாக உயர்ந்துள்ளது.

ஆசிரியப் பணியில் சமூகப் பிரிவுகளின் பங்களிப்பு:

2011-12 நிலவரப்படி, தொடக்க நிலைக் கல்வியில் பணியாற்றிய ஆசிரியர்களில் பிற்படுத்தப்பட்ட வகுப்பினைச் சேர்ந்த பெண் ஆசிரியர்கள் (77.45 விழுக்காடு) அதிகளவிலான பங்கினை வகித்துள்ளனர். அதற்கு அடுத்தபடியாக, பிற்படுத்தப்பட்ட வகுப்பினைச் சேர்ந்த ஆண் ஆசிரியர்கள் (75.11 விழுக்காடு) அதிகளவிலான பங்கினை வகித்துள்ளனர். பழங்குடி வகுப்பைச் சேர்ந்த பெண் ஆசிரியர்கள் (0.92 விழுக்காடு) மிகக் குறைவான பங்கினை வகித்துள்ளனர். அதற்கு அடுத்தபடியாக பழங்குடி வகுப்பினைச் சேர்ந்த ஆண் ஆசிரியர்கள் (1.33 விழுக்காடு) மிகக் குறைவான பங்கினை வகித்துள்ளனர். தாழ்த்தப்பட்ட பிரிவைச் சேர்ந்த பெண் ஆசிரியர்களின் பங்கு 17.75 விழுக்காடாகவும், தாழ்த்தப்பட்ட பிரிவைச் சேர்ந்த ஆண் ஆசிரியர்களின் பங்கு 15.03 விழுக்காடாகவும் இருந்துள்ளது. பொதுப்பிரிவைச் சேர்ந்த பெண் ஆசிரியர்களின் பங்கு 6.61 விழுக்காடாகவும், பொதுப்பிரிவைச் சேர்ந்த ஆண் ஆசிரியர்களின் பங்கு 5.81 விழுக்காடாகவும் இருந்துள்ளது.

தமிழகத்தின் கல்வியறிவு வளர்ச்சி குறித்த மற்ற அம்சங்களை அடுத்த கட்டுரையில் காண்போம்.

மின்னஞ்சல் முகவரி: feedback@minnambalam.comhttps://www.facebook.com/photo.php?fbid=1741711242616527&set=a.139495922838075.26149.100003330057623&type=3

guestbook

http://www.smartgb.com/?p=newwelcome

ஸ்ரீ வராஹி மாலை - வராஹி அம்மனை வரவழைக்க உதவும் அற்புத ஸ்தோத்திரம்!

சந்தேகமே இல்லாமல் , ஒரு மாபெரும் பொக்கிஷம் உங்கள் கைகளில் தவழவிட , அந்த அன்னை எனக்கு அருள் பாலித்து இருப்பதாகவே , நம்புகிறேன். 

நவராத்திரி தொடங்க இருக்கும் மகத்தான வேளையில், இந்த புத்தகம் நமக்கு கிடைத்து இருப்பது - தெய்வாதீனம் என்றே நம்புகிறேன். 

முன்னோர்களின் ஆசீர்வாதம் கிடைக்க, நம்மில் எத்தனை பேர் மனமார வேண்டினோமோ தெரியாது... நம் வாசகர்களில் யாரோ ஒருவர், முழு நம்பிக்கையுடன் வேண்டி இருந்தால் கூட, அந்த ஒரே ஒருவருக்காக கூட , இந்த புத்தகம் நமக்கு கிடைத்து இருக்கலாம்.

நமது வேண்டுகோளை ஏற்று , நமது வாசகர்களுக்காக - இதை அனுப்பிவைத்த , திரு. வெங்கட் ராமன் அவர்களுக்கு, எங்கள் குழுவின் சார்பாகவும், நமது வாசகர்கள் சார்பாகவும்,  மனமார்ந்த நன்றி. இறைவன், உங்களை மகிழ்ச்சியிலும், நிம்மதியிலும் தொடர்ந்து வைத்து இருக்க , இறைவனை பிரார்த்திக்கிறேன். 

இந்த வராஹி மாலையை , மனமுவந்து பாராயணம் செய்து வந்தால் , உங்களுக்கு வராஹி தரிசனம் கண்டிப்பாக கிடைக்கும். 

முறைப்படி , எப்படி வழிபாடு செய்வது , என்ன என்ன செய்ய வேண்டும் - என்று எண்ணி மலைத்துக்கொண்டு இருக்க வேண்டாம். நமது முந்தைய கட்டுரைகளை படியுங்கள். உங்கள் மனதில் என்ன தோன்றுகிறதோ, அந்த வழியில் பூஜையை தொடங்குங்கள்... !

நீங்கள் ஆரம்பித்தாலே போதும், உங்களுக்கு தேவையான தகவல்கள் - மிக சரியான நேரத்தில் , உங்களை வந்தடையும். 

வாசகர்கள் , உங்கள் அனுபவத்தை , நீங்கள் விரும்பினால் - என்னிடம் பகிர்ந்து கொள்ளலாம். உங்கள் அனுமதியுடன், வாசகர்களிடம் பகிர்ந்து கொள்வோம்..!

ஓகே,... ஓகே... உங்கள் பொறுமை எல்லை கடப்பதற்குள் நான் விடை பெறுகிறேன்..! 

http://www.ziddu.com/download/16540115/vaarahimaalai.pdf.html 

நம் ஒவ்வொருவருக்கும், அந்த வராஹி மனம் இரங்கி அருள் புரியட்டும் ! 

Read more: http://www.livingextra.com/2011/09/blog-post_27.html#ixzz2lfV3h865

வராஹி

வராஹி

இந்த்த நாமத்தை கேட்டாலே பலருக்கு பயம் வரும். அப்படியான ஒரு அம்பிகை நாமம் தான் வராஹி. சப்த கன்னிகள் என்னும் எழுவரில் ஐந்தாமானவள். பஞ்சமி தாய் (ஆம் வாழ்வின் பஞ்சங்களை துரத்துபவள்).

வராஹியின் வரலாறு மொத்தமாக சப்த கன்னிகள் வரலாறு என்று பார்த்தால் ,அன்னை லலிதையால் பண்டாசுர வதத்தின் போது தோற்றுவிக்க அம்பிகையின் சக்தியால் அவள் உடலில் இருந்து தோற்றுவிக்கப்பட்டவர்கள் தாம். ஆம், எப்படி கந்த கடவுள் சிவபெருமானிடம் இருந்து தோன்றினாரோ அது போன்று அம்பிகையிடம் இருந்து தோன்றிய நித்திய கன்னிகள் தான் சப்த கன்னியர் என்னும்  ப்ராம்ஹி, மாகேஸ்வரி, வைஷ்ணவி, கௌமாரி, வராஹி, இந்த்ராணி மற்றும் சாமுண்டி.

 இவர்களில் பெரிதும் மாறுப்பட்டவள் இந்த வராஹி. மனித உடலும், வராஹ{பன்றி} முகமும் கொண்டவள். கோபத்தின் உச்சம் தொடுபவள். ஆனால் அன்பிலே , ஆதரவிலே மழைக்கு நிகரானவள்.

இவள் லலிதையின் படைத்தலைவியாக, சேனாதிபதியாக போருக்கு சென்று வெற்றி வாகை சூடியவள். இவளது ரதம் கிரி சக்கர{காட்டு பன்றிகள் இழுக்கும்} ரதமாகும்.

கிரி சக்ர ரதாரூட தண்டநாதா புரஸ்கிருதா .

இவளுக்கு பல நாமங்கள் உள்ளன சேனநாதா , தண்டநாதா, வராஹி, பஞ்சமீ, கைவல்யரூபி , வீரநாரி, கிரியா தேவி, வார்த்தாளி( நீதி தேவதை - ஒறுத்து அளி என்பதாகும்), தூமாவதி(வடிவம்), பலிதேவதா ,ஸங்கேதா , ஸமயேஸ்வரி ,மகாசேனா , அரிக்னீ,  முக்கியமாக ஆக்ஞாசக்ரேஸ்வரீ.

வராஹி ஸ்வரூபத்தில் ஸ்வப்ன வராஹி , அஷ்வாரூட வராஹி, ஆதி வராஹி , லகு வராஹி என பல உள்ளன. அவள் பல வண்ண உடைகள் அணிபவள் { ஒவ்வொரு வராஹியும்  நீலம், சிவப்பு , மஞ்சள் என்று பல உடைகள் , பல ஆயுதங்கள் }. 

ஆனால் பொதுவாக மஞ்சள் உடையும் , முக்கியமாக கலப்பையும் , உலக்கையும் (வாக்கு தண்டம் என்றும் சொல்லுவார்கள் ஆக தண்டம் ஏந்த்தியவள்) கொண்டவள் . பல ஊர்களில் சிவன் கோவிலில் தென்முக கடவுளுக்கு எதிரில் வரிசையாக வீற்றிருப்பர்கள். நெல்லையப்பர் கோவில் வராஹி அதி அற்புதமாய் இருப்பாள். தஞ்சையில் பெரிய கோவிலில், தனியாக சந்நிதி அமைய பெற்றவள்.

ஆனைக்காவின் அம்மை ஜம்புகேஸ்வரி {அகிலாண்டேஸ்வரி அம்மை} வராஹி ஸ்வரூபமே. அது தண்டநாத பீடமாகும். ஆகவே தான் அன்னை அங்கே நித்திய கன்னியாக குடி கொள்கிறாள்.

கன்னிகள் நிலை என்பது தன்னுடைய சிவ சக்தியை அடையாத அம்பிகையின் வடிவமாகும். அது தாய்மைக்கும் முந்தய உன்னதமான நிலை.

சரி இவ்வளவு நேரம் அம்பிகையின் வடிவம் தோற்றம் பற்றி எல்லாம் சொல்லியாயிற்று . நம் விஷயத்துக்கு வருவோம் .. வராஹி உணர்த்தும் தத்துவம் என்ன ?? எதற்கு வராஹி என்று பார்ப்போமா ?

வராஹியை பற்றிய செய்திகளில் ஒன்று முக்கியமானது . வராஹி வராஹரின் சக்தி என்றும், எமனின் சக்தி(நீதி தெய்வம்) என்றும் சொல்ல படுகிறாள். அதில் வராஹ அவதாரத்தோடு சொல்லப்படும் செய்தி வராஹியின் தத்துவத்தை உணர்த்தி விடும் .

வராஹம் என்றால் என்ன ? பன்றி தானே , வராஹ மூர்த்தி பூமியை மீட்க அவதாரம் ஏற்ற போது அவருக்கு உதவியவள் இந்த வராஹி தான் . என்ன உதவி தெரியுமா ??

பன்றிக்கு இயல்பிலே வானை நோக்கும் சக்தி கிடையாது . எப்போதும் அது பூமியை பார்த்தே நடக்கும் ஒரு பிராணி. ஆனால் வராஹ அவதாரம் எடுத்த பெருமானுக்கோ பூமியை கடலில் இருந்து மீட்டு தன மூக்கி நுனியில்  {அதாவது பூமியை ஒரு தூக்கு தூக்கி தலையை உயர்த்தி}  வைக்க வேண்டும் ஆனால் கொண்ட உருவத்தின் இயல்பை {இயற்கையை} மாற்ற முடியாதல்லவா . ஆக அந்த உந்துதலுக்கு{உயர்த்துதலக்கு} உதவியவள் தான் வராஹி . ஆக அவள் உந்துதலுக்கு உரிய தெய்வம்.

சரி அங்கே உந்துதல் , தூக்கி உயர்த்துதல் எல்லாம் சரி , நாம் மக்கள் ஏன் அவளை வணங்க வேண்டும் ? நம்முடைய எதை அன்னை உயரத்தி தூக்க வேண்டும்??என்றால் பணமா, புகழா, அந்தஸ்தா என்றால் இல்லை அதற்கான விடை தான் மிக மிக நுட்பமானது. ஆம் நம்முடைய குண்டலினியை{ உயிர் சக்தியை } உயர்த்துபவளே வராஹி.

 எப்படி ஒருவன் வகுப்பில் முதல் மதிப்பெண் எடுத்தான் என்று சொன்னால் அவன் நன்றாக படித்தான் என்பது மறைபொருளாய் உள்ளதோ அது போல் குண்டலினி உயர்வால் நம்முடைய வாழ்வு தானாய் உயரும், ஆக வராஹி வழிபாடு நமக்கு நம்மை உணர்தலை, உயிரை உணர்த்துதலை பலனாய்த் தரும். சரி உயருதல் சரி ,  எங்கிருந்து உயரும் ? எங்கே செல்லும் ? என்றால் எப்போதும் முடங்கி கிடக்கும் மூலாதாரத்தில் இருந்து குண்டலினி எழுந்து ஆக்கினையை அடையும். அப்படியான ஒரு உந்துதலை தருபவள் வராஹி . ஆக ஆக்ஞாசக்க்ரேஸ்வரீ என்னும் நாமம் அன்னைக்கு பொருத்தம் தானே ?

இன்னும் இருக்கிறதே அன்னையின் சூட்சம வடிவத்தின் ரகசியம். அவள் கையில் வைத்துள்ள ஆயுதங்களில் முதன்மையானவை கலப்பையும்{ஏர்} மற்றும் தண்டம் ? கலப்பையின் வேலை என்ன மண்ணின் அடியில் {ஆழத்தில்} இருப்பதை எடுப்பதற்கு தானே , கிழங்கு முதலானவை எடுக்க, நிலத்தை சீர் செய்ய,  அது போல் நாம் பாவம் செய்ய செய்ய அவை பதிவுகளாகி {இப்பிறவி என்று இல்லை கர்ம பயன்களும்- வினைப்பயன்} என கர்ம மணல்பரப்பின் உள்ளே ஆழத்தில் உள்ள கிழங்கான குண்டலினியை தோண்டி உயர்த்தவே கலப்பை ஏந்திய கையினாளாய் விளங்குகிறாள் அன்னை.

எழுந்த குண்டலினி மேல்வரவேண்டுமே அதற்கு தான் அதை தட்டி உயர்த்த கோல்{ தண்டம்} ஏந்தியவள் அன்னை ..

அன்னை லலிதையின் பிருஷ்ட{பின் } பாகத்தில் இருந்து தோன்றியவளாம். ஆம் மூலாதாரம் இருக்கும் இடம்,

ஆக சரி தானே அன்னையின் வடிவமும், அமைப்பும்  ஆயுதங்களும்.

சரி குண்டலினி மேலேழுந்தால் என்ன லாபம் ? என்றால் உண்மையாக குண்டலினியை ஆக்கினையில் வைத்து தவம் செய்ய செய்ய எண்ணிய எண்ணமெல்லாம் ஈடேறும், சொன்ன வாக்கு எல்லாம் பொன்னாகும் {வராஹி வழிபட்டால் வாக்கு பலிதம் நிகழும்} , எதிரிகள் குறைவார்கள்{அவர்களும் நம் நண்பர்களாகி விடுவர் – வராஹி வழிபாடு எதிரிகளை வெல்லுவது} ஆம் இதற்கு பெயர் தான் அன்பால் வெல்லுவது. மேலும் குண்டலினி உயர்ந்தால் உங்களை யாராலும் வசியம் பண்ண முடியாது. துர்தேவதைகள் அண்ட முடியாது.

இதனால் தான்வராஹிகாரனிடம் வாதாடாதே என்பார்கள்.

இப்படி வராஹி வழிபாட்டின் பலன்தானே குண்டலினி எழுந்து நம்மை சாதாரண மனிதர் என்னும் படியில் இருந்து உயர்த்தி அடுத்த நிலைக்கு கொண்டு செல்லும்.

ஆனால் ஒரு விஷயம் வராஹி வழிபாட்டுக்கு முக்கியம் உள்ள தூய்மையும் சுத்தமும், சிறிதளவும் காமத்தின் பால் உள்ளம் செல்லுதலாகாது. வாரஹி தேவ குணமும் மிருக பலமும் கொண்டவள். இதனால் தான் உக்கிர தெய்வம் என்று சொல்லுவார்கள். தவறுக்கான தண்டனையும் பெரிதாக இருக்கும்.

ஆனால் வராஹி துடியானவள். கூப்பிட்ட குரலுக்கு வருவாள். அவள் காயத்திரியான

ஓம் ஸ்யாமளாயே வித்மஹே

ஹல ஹஸ்தாய தீமஹி

தன்னோ வராஹி ப்ரசோதயாத்

என்னும் மந்திரத்தை கஷ்டம் வரும் போது என்று தான் இல்லை , எப்போதும்  ஜெபியுங்கள் . அன்னை சடுதியில் மாற்றம் தருவாள். அவளை மனதார நினைத்தாலே அவளை அடையும் உபாயம் காட்டிடுட்வாள். 

 வாழ்வில் வெற்றி அனைத்தும் தருவாள்.

அவளே பகிளாமுகி ,தூமாவதி என்று சொல்லுவார்கள் ..

ஆக வராஹி வழிபாட்டால், வாழ்வின் உந்துதலையும் முக்கியமாக உயிரின் உந்துதலையும் அடையலாம், எதிரிகளை அன்பால் வெல்லலாம். வராஹியை வழிபடுவோம் வாழ்வில் ஏற்றம் காண்போம்

வராஹியின் பாதார விந்தங்களே சரண். அம்மையின் நாமமே துணை..

மன்னிக்கவும் நீளமான பதிவாகி விட்டது.

அன்னைக்கு வணக்கங்கள்.. ஏதேனும் சொல், பொருள், இலக்கண பிழை இருந்தால் மன்னிக்க வேண்டுகிறேன்..

ஆன்மிகம் சம்பந்த பட்ட பதிவு ஆனதால் ஏதேனும் தவறு இருந்தால் வாசிப்பவர்கள் தனி மடலிலோ பின்னூட்டத்திலோ பிழையை சுட்டி காட்ட வேண்டுகிறேன்.....

அடியேன்

சந்தனக் கண்ணன்

கேதார கௌரி விரதம் அனுஷ்டிக்க வேண்டியோர்

• புகைப்படங்கள்

• 
• 

• 1
• 2

சிவன் - பார்வதியைப் போல கணவனும் மனைவியும் ஓருயிர், ஈருடலுமாக வாழும் வரம் பெறவே இவ்விரத்தினை விரும்பி அனுஷ்டிக்கின்றனர் பெண்கள்.

ஆதர்ச தம்பதிகளாக ஆயுள் முழுவதும் ஒன்றாக வாழும் பேற்றை தரும் வல்லமை இந்த விரதத்துக்கு உண்டு. குடும்பத்தில் பிரச்சனையுள்ளவர்கள் இவ்விரதத்தினனை அனுஷ்டிபதன் மூலம் குடும்ப ஒற்றுமையையும் சுபீட்சமான வாழ்கையையும் பெறுவார்கள் என்பது ஐதீகம்.

இவ்விரதத்தை ஆண், பெண் இருபாலாரும் அனுஷ்டிக்கின்றனர். மணமாகிய பெண்கள், தங்கள் மாங்கல்யம் நீடிக்கவும், மணமாகாத பெண்கள் நல்ல வாழ்கை அமைய வேண்டியும் இந்த விரதத்தினை அனுஷ்டிக்கின்றனர். இதே காரணத்துக்காக ஆண்களும் இந்த விரதத்தை அனுட்டிக்கலாம்.

கேதார கௌரி விரதத்தை ஐந்து மாதங்களுக்குள் கர்ப்பிணியாக இருக்கும் பெண்களும், மாதவிலக்கு நின்ற பெண்களும் 21 நாட்கள் விரதமிருந்து பூஜிக்கலாம். மற்றவர்கள், அமாவாசைத் திதிக்கு முன்னுள்ள 9 நாட்களோ 7 நாட்களோ மூன்று நாட்களோ அல்லது கேதார கௌரி தினத்தன்றோ இவ் விரதத்தை அனுஷ்டித்து 21 முடிச்சிட்ட கயிற்றை இடது புஜத்திலோ அல்லது மணிக்கட்டிலோ கட்டிக் கொள்ளலாம். கேதாரகௌரி தினத்தில் பார்வதி சமேதரான சிவபெருமானை வழிபட வேண்டும். ஆண்களும் இவ்விரத்தை அனுஷ்டிக்கலாம். விரத காலத்தில் தீய பேச்சுக்கள் எதையும் பேசாமல், "ஓம் நமச்சிவாய சிவாய நம ஓம்" என்ற மந்திரத்தை உச்சரிக்க வேண்டும்.

குடும்பத்தில் ஒற்றுமையாக இருக்கும் தம்பதிகளை விட, ஒற்றுமையில்லாமலோ அல்லது தம்பதியரில் ஒருவர் பிணியால் அவதிப்பட்டாலோ அவர்கள் இந்த விரதத்தை மேற்கொண்டு ஒற்றுமையையும், சகல சௌபாக்யங்களையும் பெறலாம். இது இந்த விரதம் இருந்து அனுபவப்பூர்வமாக உணர்ந்த பலரும் கூறும் கூற்றாகும்.